رینجرزکے اختیارات کو اسمبلی سے منظور کرانا آئینی ضرورت ہے، وزیراعلیٰ سندھ

رینجرزکے اختیارات کو اسمبلی سے منظور کرانا آئینی ضرورت ہے، 

وزیراعلیٰ سندھ

کراچی: وزیراعلیٰ سندھ سید قائم علی شاہ کا کہنا ہے کہ حکومت نے رینجرز کے اختیارات نہیں چھینے تاہم اسے اسمبلی سے منظور کرانا آئینی ضرورت ہے۔

ایکسپریس نیوز کے مطابق وزیراعلیٰ سندھ سید قائم علی شاہ نے رینجرز اختیارات پر تبصرہ کرتے ہوئے کہا کہ کچھ لوگ حقائق جانے بغیر ٹی وی پر بیٹھ کر تبصرے کررہے ہیں اور جسے سیاست کا س بھی نہیں پتا وہ سیاسی تجزیے دینا شروع کردیتا ہے۔ انہوں نے کہا کہ تجزیہ کا روں کا کام سیاسی گھتی سلجھانا ہے لیکن حیرت ہے کہ بے وجود چیز پر تجزیہ کیا جارہا ہے اور رینجرز اختیارات کا پرانا نوٹی فیکشن پڑھے بغیر تجزیے دینے سے معاملہ مزید الجھ گیا ہے۔

قائم علی شاہ کا کہنا تھا کہ حکومت نے رینجرز کے اختیارات نہیں چھینے تاہم اسے اسمبلی سے منظور کرانا آئینی ضرورت ہے جب کہ رینجرز کو پہلے بھی اے ٹی اے کے تحت اختیارات کراچی کے لیے ہی دیئے تھے۔