محمد حفیظ ایک ون ڈے میں چار وکٹیں لینے اور سنچری کرنیوالے پہلے پاکستانی کرکٹر بن گئے

اسلام آباد(نیوز ڈیسک) آل راﺅنڈر محمد حفیظ ون ڈے میچ میں چار وکٹیں لینے اور سنچری کرنے والے پہلے پاکستانی کرکٹر بن گئے ہیں۔ آل راﺅنڈر نے سری لنکا کے خلاف ون ڈے سیریز کے پہلے میچ میں شاندار باﺅلنگ کرتے ہوئے چار کھلاڑیوں کو پویلین کی راہ دکھائی، انھوں نے تین بائیں ہاتھ سے کھیلنے والے بلے بازوں کو پویلین کی راہ دکھائی۔محمد حفیظ نے سری لنکن اوپننگ بلے باز پریرا کو 26 رنز پر پویلین کی راہ دکھائی، تھریمانے کو 23 رنز پر آﺅٹ کیا ، تھرنگا کو 20 سکور پر پویلین کی راہ دکھائی جبکہ دلشان کو 38 کے سکور پر آﺅٹ کیا۔ آل راﺅنڈر نے دس اوورز میں 41 رنز دے کر 4 وکٹیں اپنے نام کیں۔ون ڈاﺅن پوزیشن پر آنے والے محمد حفیظ نے دھواں دار بیٹنگ کرتے ہوئے سنچری مکمل کی۔ ان کی اننگ میں 4 چھکے اور 10 چوکے شامل تھے۔ آل راﺅنڈر نے 93 گیندوں پر سنچری کا معرکہ سر کیا۔